تغــــــيب

تغيب وتسهر عيوني
اراقب ساعتي والليل
الين الشمس ماتشرق
اقول العذر للغايب
غشا صمت الكلام الي
منهو يعشقك بالحيل
كتمت جروحك لصدري
وطيفك بالسهر نايم
اشب النار لجل ادفى
واحط من الحطب وأشيل
واقلب في التراب الي
يسلي حسرة الخايب
حسبت ان العشق
دنيا طوتها شمعه
وقنديل
وتاري ناس بالظلما
تحب وحبها صايب
تصدق لابغيت أرحل
وأحاول وأبتسم وأميل
لقيت أن الالم عاده
مكانه بالصدر ذايب
ثقل دم المكان وما بقى
غير السهر والليل
مادام الشمس غابت
والعذر مخلوق للغايب